Preassadieđáhus 30.1.2006

SÁMIID ÁLBMOTBEAIVVI KLUBBA BOAHTÁ FAS!

Guovvamánu logát beaivve ávvuduvvo Suoma oaivegávpogis Helssegis fas sámiid álbmotbeaivvi. Sámi álbmotbeaivvi klubba ordnejuvvo jo nuppe geardde UMO Jazz Houses. Guovddážis
feasttas lea eandalitge Sámi populárakultuvra: lávddi ala boahtiba nuortalaš rockmusihkkár Tiina Sanila joavkkuinis ja nuorra juoigi Inga-Máret Gaup-Juuso, ja feasttas čájehuvvojit maiddái sápmelaš dokumeantafilmmat.

Tiina Sanila lea 22-jahkásaš ”rock-kolta” Čeavetjávrris. Son halddaša sihke árbevirolaš leuddema ja rockmusihka. Su stiila lea dievva seksa ja nuorra energiija! Iežas joavkkuinis Tiina lea johtán miehtá Sámi moadde jagi ja su vuosttaš skearru Sää`mjânnam rocks! - Sámieatnan rocks! ilbmái mannan geasi. Dat lea vuosttaš nuortalašgielat rockskearru ja muđuige nuortalaš skearru mii lea almmustáhtton guhkes áigái.

Tiina Sanila lávlagat muitalit nuorra nissonolbmo eallimis, ráhkisvuođas ja olmmáiolbmuin. Son ii hálit deattuhit davvi luonddu kliseaid ja eksotihka, baice muitalit ᚚiin nu mo sáminuorra oaidná daid.

Davvisápmelaččaid klubbas ovddasta nuorra juoigi Inga-Máret Gaup-Juuso Eanodaga Gárasavvonis. Sámi musihka lassin klubbas oaidnit maiddái ođđa sápmelaš dokumeantafilmmaid, maid leat buvttadan Sámi oahpáhusguovddáža (SOG) multimediajournalismma oahppit.

Sámi álbmotbeaivvi klubba ordnejit City-Sámit ro. nuorat. Citysáminuorat leat bargan ovttas veahá badjelaš jagi. Doaimmain leat leamašan mielde moaddelogi nuora, geat geahččalit nannet sámi kultuvrra maiddái Máttá-Suomas. Ma
ŋimus jagi áigge citysáminuorat leat ordnen sámiid álbmotbeaivve klubba 2005, gos Amoc ráppii máŋggačuohte olbmui, dahkan buotlágan gávpotnuoraid ᚚiid sámegillii ja fitnan beassášmárkaniin davvin. Citysáminuoraid doaimmaid leat ruhtadan Suoma kulturruhtarádju, Suoma Sámediggi ja CIMO.

Sámiid álbmotbeaivvi klubba 10.2.06 20-03

UMO Jazz House, Pursimiehenkatu 6, Helsset.

 

Tiina Sanila Band

Inga-Máret Gaup-Juuso

Sápmelaš dokumeantafilmmat

 

Bileahttat 7€

Ovdalgihtii UMO Jazz House

Tel. +358 (0)9-6122 1914.

 

Lassedieđut:
Anna Näkkäläjärvi


Tuupa Records Oy
Jussi Isokoski
Ahlströmintie 1 K
92400 RUUKKI
+35840846 5844
jussi.isokoski@tuuparecords.fi
www.tuuparecords.fi

Preassagovat (máinnas álo govvejeaddji) čujuhusas www.nakkalajarvi.net/saame. Govven Arja Hartikainen, SIIDA/Sámi musea.

 

BEAIVVEMEARRI  12.2.2006 / Seija at Aarnio.Ws

 

Tiedotus-
sivulle
Tiedotukseen
Yhdistyksen logo
Arkistoon Arkisto-
sivulle